विष्वको सर्वेच्च शिखर सगरमाथाको काखमा अवस्थित सोलुुखुम्बु जिल्लाको सदरमुकामबाट १८ कोष सुदुर पुर्व सोलुखुम्बुको कर्णाली उपनामबाट चिनिने अती दुर्गम र विकट साविकको छेस्काम गा।वि।स। को वार्ड नं। २ मा २०१८ साल पौष ११ गते स्थापना गरिएको यस विद्यालयको नामकरण गा।वि।स। कै नामबाट गरिएको हो ।

शैक्षिक आवश्यक्ताको महसुस गरी विद्यालयको स्थापना छेस्काम–३ निवासी शिक्षाको महत्व बुझ्ने तात्कालीन भारतीय सेना बिर्खसंचा राई र बागीवन्त राईको पहलमा भएको पाइन्छ । गाँँउबाट अन्न र नगद चन्दाको रुपमा सङ्कलन गरी सञ्चालन गरिएको उक्त विद्यालयमा भारतीय सेना विर्खसञ्च आँफै तीन बर्षसम्म शिक्षकको रुपमा रही विद्यालयलाई निरन्तरता दिनुभएको थियो भने आँफू भारत पल्टनमा फर्कने बेलामा उक्त विद्यालयको जिम्मेवारी छेस्काम ३ निवासी उजितवर राईलाई सुम्पिएको थियो भन्ने सुन्न पाइन्छ ।